31 май куни якунига етган молиявий йилда спорт кийимлари ишлаб чиқарувчи Nike компаниясининг соф фойдаси 15 фоизга ошиб, 3,76 миллиард долларни ташкил этди. Бу ҳақда «Ведомости» хабар бермоқда.
Ҳар бир акциядан кўриладиган даромад 2,16 долларга етган, бир йил аввал бу кўрсаткич 1,85 долларни ташкил этганди. Компаниянинг йиллик тушуми 6 фоизга ошиб, 32,376 миллиард доллардан иборат бўлган.
«Биздаги ўсиш инновациялар билан қўллаб-қувватланади, шу сабаб 2016 йил Nike учун қўл урилган ҳар бир ишда омадли келди», — дея таъкидлаган компания президенти ва бош директори Марк Паркер.
Изоҳ (0)