Европа футбол ассоциациялари иттифоқи (УЕФА) Туркиянинг Истанбул шаҳридаги террорчилик ҳужумида ҳалок бўлганларнинг қариндошлари ва оилаларига ҳамдардлик билдирди, деб ёзади «ТАСС» ташкилот сайтига таяниб.
«Биз Туркия халқи билан бирдамлигимизни билдириб, ҳалок бўлганларнинг оилаларига чуқур ҳамдардлик изҳор этамиз», — дейилади хабарда.
28 июнь куни уч худкуш Истанбул аэропорти халқаро терминалини портлатиб юборди. Теракт натижасида, сўнгги маълумотларга кўра, 40 дан ортиқ киши ҳалок бўлди, 239 киши жароҳат олди.
Туркия ҳукумати теракт муносабати билан мамлакатда умуммиллий мотам эълон қилди.
Изоҳ (0)