Тошкент метрополитенининг «Юнусобод» ва «Ўзбекистон» йўналишларида ҳаракатланувчи таркиблардаги вагонлар сони тўрттадан учтага қисқартирилди. Бу ҳақда Тошкент метрополитенидаги манба «Дарё»га маълум қилди.
Ёз мавсумида йўловчилар сони камайгани туфайли ва электр-энергия сарфини тежаш мақсадида июнь ойи ўрталаридан бошлаб дастлаб «Юнусобод» линиясидаги барча ҳаракатланувчи таркиблар, «Ўзбекистон» йўналишидаги баъзи ҳаракатланувчи таркиблардаги вагонлар сони биттага қисқартирилган.
Қайд этишларича, Тошкент метрополитенидаги ҳаракатланувчи таркиблардаги вагонлар сони синов тартибида қисқартирилган.
Маълумот учун, уч йўналиш («Чилонзор», «Ўзбекистон» ва «Юнусобод») ва 29 бекатдан иборат Тошкент метрополитенидан ҳар куни 200 мингга яқин йўловчи фойдаланади. 2015 йил июлида метрополитендаги барча ҳаракатланувчи таркиблар янгиланиши ҳақида, 2016 йил мартида эса «Ўзбекистон» йўналиши учун янги вагонлар тайёрланаётгани ҳақида хабар берилган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)