Буркина-Фасо ва Кот-д’Ивуардаги ҳужумлар юзасидан ўн киши ҳибсга олинди, дея хабар бермоқда «ТАСС» Буркина-Фасо ички ишлар вазирлигига таяниб.
Улардан уч нафари Буркина-Фасо пойтахтидаги Cappuccino кафесига, Кот-д’Ивуардаги Гран-Бассам курорт шаҳрига ва Буркина-Фасо шимолидаги Урси шаҳрига уюштирилган ҳужумларга алоқадор.
«49 нафар гумонланувчидан иборат гуруҳга кирувчи ўн киши тергов доирасида қўлга олинди, қолган 39 киши, далиллар йўқлиги сабабли, ҳозирча хавотир олмаслиги мумкин», — деди ички ишлар вазири.
Уагадугуда 2016 йил 15 январь куни террорчилар Splendid меҳмонхонаси ва унинг қаршисидаги Cappuccino кафесини эгаллаб олганди. Ҳужумда 30 киши қурбон бўлди, у учун жавобгарликни «Ислом Мағриби мамлакатларидаги Ал-Қоида» террорчилик ташкилоти ўз бўйнига олди.
13 март куни эса террорчилар гуруҳи Гран-Бассам шаҳридаги бир нечта биноларга ҳужум қилди, оқибатда 19 киши ҳалок бўлди. Теракт учун яна «Ислом Мағриби мамлакатларидаги Ал-Қоида» ўзини жавобгар деб эълон қилди.
Изоҳ (0)