АҚШ Ироқ шимоли-ғарбидаги Мосул шаҳрини ИШИД террорчилик гуруҳи жангариларидан озод қилиш режасини ишлаб чиқмоқда. Бу ҳақда АҚШ президентининг ИШИД билан курашда бошқа мамлакатлар билан ҳамкорлик масалалари бўйича махсус вакили Бретт Макгурк маълум қилди, деб ёзади «ТАСС».
«Мосул нафақат муҳим ҳарбий, балки сиёсий, дипломатик ва гуманитар синовга айланади. (Уни озод қилиш бўйича) режаларни ишлаб чиқиш илдам бормоқда», — дея таъкидлади у.
Макгурк айтишича, ўтган олти ой давомида АҚШ шаҳардаги жангариларни изоляция қилиш ҳамда уларнинг қўлларига Суриядан қурол ва озиқ-овқат маҳсулотлари келиб тушмаслиги учун Ироқ ва Сурия Қуролли кучлари билан ҳамкорлик қилди.
АҚШ президенти махсус вакили фикрича, «барча томонлар — Ироқ Қуролли кучлари, курдларнинг пешмерг отрядлари ва Найновдаги маҳаллий қуролли гуруҳлар — ҳарбий-сиёсий планда ҳамкорлик қилсагина», Мосулни озод этиш бўйича операция муваффақиятли якун топади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)