Чеченистон раҳбари вазифасини бажарувчи Рамзан Қодиров уриб туширилган Су-24 учун Туркия президенти томонидан узр сўралиши Москва ва Анқара ўртасидаги муносабатлар тикланиши йўлида биринчи қадам бўлиши мумкинлигини билдирди. Бу ҳақда «Интерфакс» хабар бермоқда.
«Россия ҳеч қачон сабабсиз Туркия билан алоқаларни узишни ўз олдига мақсад қилиб қўймаганига ишончим комил. Ҳодиса учун айб тўлиғича турк томонида бўлган. Айбнинг тан олиниши — давлатлараро алоқалар меъёрга келишига қайтиш йўлидаги биринчи қадам», — дея ёзган Қодиров Instagram’даги саҳифасида.
У Ражаб Тоййиб Эрдўғоннинг мактуби «Россия раҳбариятининг мазкур муаммога муносабати ҳодисанинг илк соатларидан бошлаб тўғри бўлганидан далолат бериши»ни таъкидлаган.
Изоҳ (0)