Тожикистон президенти Эмомали Раҳмон Душанбенинг Исмоил Сомоний туманида мамлакатдаги энг йирик «Душанбе мол» савдо марказини очиб берди, деб ёзади «Диалог» нашри.
Тасдиқланган лойиҳа ҳужжатларига кўра, объект нархи жами 110 миллион сомоний (тахминан 14 миллион доллар)ни ташкил этади. Жумладан, қурилиш ва монтаж ишлари 100 миллион, ускуна ва бошқа материаллар 10 миллион сомонийга тушди.
Маҳаллий тадбиркорлар таклифига биноан, Франциянинг Schiever International компанияси раҳбарияти Тожикистонда Марказий Осиёдаги биринчи «Ашан» гипермаркетини очди. Таъкидланишича, ушбу компания дунёга таниқли бўлиб, дунёнинг турли мамлакатларида уч мингдан ортиқ савдо марказларига эга.
Гипермаркет биноси тўрт қаватли бўлиб, биринчи қаватда 160 та автомобилга мўлжалланган ёпиқ тураргоҳ, техник хизмат хоналари, омбор, ишчи кабинетлар бор. Иккинчи ва учинчи қаватларда «Ашан» гипермаркети, болалар, аёллар ва эркаклар дўконлари, заргарлик , пойабзал, техника дўконлари, соғломлаштириш маркази, ресторан ва 11 та фаст-фуд нуқталари жойлашган. Тўртинчи қаватда эса тўртта кинотеатр ва тасвирий санъат кўргазмаси бор.
Изоҳ (0)