26 июнь куни дунё ОАВлари Евроиттифоқдан чиқиш ҳақидаги референдумдан сўнг Буюк Британия аҳолиси дарҳол «Евроиттифоқ нима?» — деган саволни Google қидирув тизимида фаоллик билан бера бошлагани ҳақида маълум қилди. Бу билан улар сайловчилар ўзлари қабул қилган қарорнинг муҳимлигидан яхши хабардор эмаслигини назарда тутди. Аммо, спорт шарҳловчиси Дэнни Пейж фикрича, бундай таҳлиллар учун Google Trends’дан фойдаланиш орқали, ОАВлар муштарийларни кўпинча чалғитади, деб ёзади TJournal.
Пейж таъкидлашича, сўнгги йилларда тармоқ фойдаланувчилари нима қилса ва нимага қизиқса, деярли барчасини Google’да қидиради, шу туфайли сўровларнинг очиқ статистикаси — Google Trends журналист ва блогерлар томонидан нотўғри ишлатилади.
Масалан, 2012 йилда америкалик сиёсатчи Митт Ромни АҚШ президентлигига сайловларда мағлуб бўлгач, интернет фойдаланувчилари унинг исм ва фамилиясини энг кўп қидира бошлади. Бироқ, Пейж фикрича, шу тариқа улар у кимлигини билишга уринмаган, балки ютқазган номзод ҳақида сўнгги маълумотлар ва янгиликларни олган.
Апрель ойида The Washington Post, гўёки, кўплаб америкаликлар Гарриет Табмен — ҳукумат 20 долларлик купюрага портретини туширмоқчи бўлган, қулликка қарши ҳаракат қаҳрамони кимлигини билмаслиги ҳақида ёзди. Нашр Google Trends кўрсаткичларига таянди, у ерда унинг образини банкнотларда қўллаш ҳақидаги эълондан сўнг унинг шахсиятига қизиқиш кескин ошиб кетганини кўриш мумкин эди.
Аммо, аслида Тамбен ҳақидаги сўровларнинг кескин ўсиши — контекстдан юлиб олинган маълумотдан бошқаси эмас. 2004 йилдан бошлаб тузилган график эса умуман бошқача кўринишга эга.
Google Trends’дан нотўғри фойдаланишнинг энг қўпол намунаси, Пейж фикрича, Буюк Британиянинг Евроиттифоқдан чиқиши билан боғлиқ воқеа бўлди. The Washington Post британияликлар Евроиттифоқдан чиқиши билан, унинг нималигини Google’да қидиришга киришди, деб ёзган эди. Янгиликни дунёнинг бошқа ОАВлари ҳам ундан олиб тарқатди, бироқ, Пейж бунда гап бир неча минг киши ҳақида бормоқда, деб ҳисоблайди.
«Евроиттифоқ нима?» сўровини «Тахтлар ўйини» сериали ва Евро—2016 билан боғлиқ сўровлар билан таққосласак, мамлакат қандай ташкилотдан чиқаётганини тушунишга ҳаракат қилаётган британияликлар сони футбол ёки оммабоп сериал қаҳрамонлари тақдиридан ташвишда бўлганлардан анча камдир.
Изоҳ (0)