Туркия бош вазири Бинали Йилдирим Туркия Россияга уриб туширилган Су-24 учун товон пули тўлашга тайёрлигини маълум қилди, деб ёзади «Газета.ru».
Россия президентининг матбуот котиби Дмитрий Песков Туркия президенти Ражаб Тоййиб Эрдўғон Владимир Путинга йўллаган мактубида Россиянинг уриб туширилган Су-24 самолёти учун узр сўраганини маълум қилди. Туркия етакчиси Су-24 учувчисининг ҳалокати муносабати билан ҳамдардлик сўзларини изҳор этди.
«Хатнинг мазмуни тушунарли. Биз ҳамдардлик билдирдик ва зарур бўлса, [уриб туширилган самолёт учун] товон пули тўлаймиз. Иккала мамлакат ҳам муносабатлар нормаллашишини истайди. Ўйлайманки, ишлар яхшиланиб боради», — деди Йилдирим.
2015 йилнинг 24 ноябрь куни Туркиянинг F-16 қирувчиси Россиянинг Су-24 самолётини уриб туширди. Расмий Анқара Россия ҳарбий самолёти Туркия ҳаво чегарасини бузганлигини эътироф этмоқда, Кремль эса буни рад этиб, ҳаво кемаси Сурия ҳудудидан ўтмаганини уқтирмоқда.
Самолёт учувчиси Олег Пешков катапульта ёрдамида кемани тарк этди, аммо ҳаводалигида қуролли шахслар томонидан отиб ташланди. Унга ўлимидан сўнг Россия Қаҳрамони унвони берилди.
Бу воқеа Туркия ва Россия ўртасидаги муносабатларнинг кескин ёмонлашувига сабаб бўлди.
Изоҳ (0)