Фақат язидий аёллардан таркиб топган биринчи жанговар отряд Ироқ Курдистонида ИШИД террорчилик гуруҳига қарши кураш учун тайёрланди, дея хабар бермоқда «ТАСС» Курд милицияси жангчиларини тайёрлаш бўйича махсус марказ вакилига таяниб.
Унинг сўзларига кўра, илк отрядга икки ой давомида махсус тайёргарлик курсларини ўтаган 137 нафар кўнгилли кирди. Ушбу давр ичида қизлар турли ўқотар қуроллардан фойдаланишни ўрганди, жанг олиб бориш тактикаси, шунингдек, инсон ҳуқуқлари ва бошқа соҳалардаги қонунчилик асослари билан танишди.
Отряд яқин вақт ичида Ироқнинг Найнов провинцияси Синжар шаҳри ҳудудидаги ИШИД қисмлари билан чегарадош туманларга йўналтирилади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)