Хитойнинг Цзянсу провинциясидаги Яньчэн шаҳри ва бошқа туманларда довул қурбонлари сони 98 кишига етди, деб ёзади «ТАСС» «Синьхуа» агентлигига таяниб. Яна қарийб 800 киши жароҳатланди.
Довул Цзянсу провинциясининг бир нечта туманларига кучли жала ва дўллар билан бирга 23 июнь, пайшанба куни ёпирилди. Гувоҳлар сўзларига кўра, шамол автомобилларни ағдариб юборган, дарахтларни синдирган ва уй томларини учириб кетган.
Ҳукумат жабрланган туманларга гуманитар ёрдам, жумладан, мингга яқин чодир ва 2 мингта каравот жўнатди.
Метеорологлар маълумотларига кўра, шамол шиддати баъзи туманларда сониясига 35 метрга етган. Яньчэн шаҳридаги ушбу довул 1966 йилдан буён энг кучлиси бўлди.
Изоҳ (0)