Германиянинг Фирнхайм шаҳридаги кинотеатрда ўт очган эркакни мамлакат махсус бўлинмалари отиб ташлади, дея хабар бермоқда «Интерфакс» Гессен ўлкаси ички ишлар вазирлигига таяниб.
Воқеа жойидан бир-бирига зид маълумотлар келиб тушмоқда — ўт очган кишининг бундан кўзлаган мақсади, шунингдек, у қўллаган қурол ҳақида аниқ ахборот йўқ. Жиноятчи узган ўқлар сонига кўра, у автоматик қуролдан фойдаланмаган.
Эркак кинотеатрга кириб, ҳавога ўқ узган, шундан сўнг у ердаги одамлар кўчага югуриб чиққан. Турли маълумотларга кўра, 20 дан 50 нафаргача киши жабрланган. Аммо улар отилган ўқлардан эмас, полиция қўллаган кўзни ёшлантирувчи газдан зарар кўрган.
Изоҳ (0)