Осиёлик миллионерлар айни пайтда Шимолий Америка, Европа ва дунёнинг бошқа ҳар қандай минтақасидан кўра кўпроқ давлатга эгалик қилади, деб ёзади «Интерфакс» Capgemini молиявий фирмасининг World Wealth Report маърузасига таяниб.
Япония ва хитойлик бизнесменлар шарофати билан, осиёлик миллионерлар 2015 йилда ўз бойлигини 10 фоизга оширди. Уларга жами 17,4 триллион доллар тегишли, шимолий америкалик тадбиркорларда эса бу кўрсаткич 16,6 триллион долларни ташкил этади.
Бутун дунё бўйича ўтган йили миллионерлар ихтиёрида 60 триллион доллар бўлган, бу 30 йил аввалгидан тўрт марта кўпроқ демакдир.
Capgemini прогнозига кўра, 2025 йилга келиб, ушбу рақам 100 триллион долларгача ўсиши мумкин.
Изоҳ (0)