Петрозавод шаҳар суди Карелиядаги Сямозеро кўлида болалар ҳалок бўлгани ҳақидаги иш бўйича оромгоҳ директори Елена Решетовани 19 августга қадар ҳибсга олди, деб ёзади «РБК».
Аввалроқ шу суднинг ўзи ушбу иш бўйича оромгоҳ инструктори Валерий Круподершчиковни ҳибсга олишни рад этган эди.
Ҳалок бўлган болалар Карелияга Москвадан келиб, 18 июнь куни Сямозеро бўйлаб қайиқда сузишда иштирок этган. Кўлда бўрон бошланган, натижада 14 бола қурбон бўлган. Айни пайтда 13 нафар ўқувчининг жасади топилган, 14-болани қидириш ишлари давом этмоқда.
Россия тергов қўмитаси «Хавфсизлик талабларига жавоб бермайдиган, эҳтиётсизлик оқибатида икки ва ундан ортиқ шахс ўлимига олиб келган хизматлар кўрсатиш» моддаси бўйича жиноий иш очди. Мазкур жиноий иш доирасида тўрт нафар гумонланувчи — болалар дам олган «Парк-отель Сямозеро» оромгоҳи директори, унинг ўринбосари, шунингдек, икки нафар инструктори ҳибсга олинди. Яқин орада уларга нисбатан кўриладиган чора маълум бўлади.
Изоҳ (0)