Бразилия ҳарбий хизматчилари Олимпиада машъаласи Манаус шаҳрига келтирилишига бағишланган тадбирларда иштирок этаётган ягуарни отиб ташлади. Бундай чора жонивор назоратдан чиқиб кетиб, ветеринарлардан бирига ташланмоқчи бўлганидан сўнг қўлланди, дея хабар беради El Nuevo Herald.
«Олдинига ягуарни тиббий препаратлар ёрдамида бартараф этишга ҳаракат қилинди, бироқ тўртинчи дозадан кейин жонивор ветеринарлардан бири томонга йўл олди. Ходимнинг хавфсизлигини таъминлаш учун ягуарни қурбон қилишга тўғри келди», — дея таъкидлаган полковник Луис Густаво Эвелин.
Эстафета давомида ягуарнинг ёнида тадбир иштирокчилари ва сайёҳлар расмга тушган. Бироқ ташкилотчиларда жониворнинг тадбирда иштирок этиши учун рухсат бўлмаган.
Маълумот учун, Рио-де-Жанейрода 5—21 август кунлари бўлиб ўтадиган Олимпиада ўйинлари тимсоли этиб ягуар танланган.
Изоҳ (0)