Қозоғистонда куйдиргига чалинганлиги гумон қилиниб, Қарағанди юқумли касалликлар шифохонасига ётқизилган беш кишидан икки нафари вафот этди. Бу ҳақда «Новости-Казахстан» агентлиги маълумотига таяниб, «РИА Новости» хабар берди.
Қарағанди вилоятининг Еркиндик посёлкасида яшовчи беш нафар фуқаро 19 июнь, якшанба куни куйдиргига чалинганлиги гумон қилиниб, вилоят юқумли касалликлар шифохонасига жойлаштирилган эди. Улар мол сўйишда куйдиргини юқтириб олганлиги тахмин қилинмоқда. Куйдирги ташхиси ҳозирча лаборатория томонидан тасдиқланмади.
Вафот этган беморлар шифохонага жойлаштирилаётган пайтда оғир аҳволда бўлган, баданида яралар бўлиб, кучли заҳарланиш кузатилган.
Изоҳ (0)