Буюк Британия парламенти депутати Жо Коксни ўлимдан қутқаришга ҳаракат қилган британиялик пенсионерни тақдирлаш таклиф этилган талабнома 16 мингдан ортиқ имзо тўплади. Бу ҳақда «ТАСС» хабар бермоқда.
Собиқ кончи 77 ёшли Бернард Кенни депутатни қуролланган жиноятчи чангалидан қутқармоқчи бўлганида қорнидан пичоқ еди. Ҳозирда у касалхонада, бироқ ҳолати барқарор эканлиги айтилмоқда.
Талабнома ташаббускорлари расмийларни пенсионерни мамлакатда фуқароларга кўрсатган жасорати учун тақдим этиладиган олий мукофот — Георг хочи билан тақдирлаш имкониятини кўриб чиқишни сўраган.
Бу Кенни одамларга ёрдамга шошилган биринчи ҳолат эмас: у 1973 йили Йоркширдаги сув босган Лофтхауз конида ишчиларни қутқаришда иштирок этганди.
Изоҳ (0)