Жанубий Корея «ҳар бир оилага иккитадан автомобиль» даврига кираётгани қайд этилди

Жанубий Кореяда «ҳар бир оилага иккитадан автомобиль» даври келмоқда: мамлакатда қайд этилган шахсий йўловчи транспорт воситалари сони шу ойда 20 миллиондан ошиши кутилмоқда. Бу ҳақда «РИА Новости» хабар бермоқда.

1970 йилда атиги 46 минг дона автомобиль бўлган Жанубий Кореяда уларнинг сони тўхтовсиз ошиб бормоқда. Жумладан, мамлакатда шу йил апрель ойида 19,89 миллион, майда эса 19,96 миллион автомобиль фойдаланишда бўлган. Июнда эса рўйхатдан ўтган шахсий йўловчи транспорт воситалари сони 20 миллионга етиши тахмин қилинган.

Тўрт кишидан иборат оилага 1,55 автомобиль тўғри келмоқда. Маҳаллий машиналар 16,1 миллион, хорижий моделдагилари эса 1,5 миллион донани ташкил этмоқда. Шу билан бирга, экспертлар бунчалик катта автомобиль оқими уддасидан чиқиши учун мамлакат инфратузилмасини ўзгартириш зарурлигини таъкидламоқда.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.