Бразилиянинг Bandeirantes телекомпанияси журналистлари Фернандо Оливейра ва Соня Блота футбол бўйича Германия терма жамоасининг Франциядаги Европа чемпионатига келган мухлислари ҳужумига учради, деб ёзади «ТАСС» Бразилия ОАВларига таяниб.
Ҳодиса 16 июнь, пайшанба куни содир бўлди. Немислар Оливейра ва Блотага қарата ирқий ҳақоратларни бақириб айтган, шундан сўнг, уларга ҳужум қилишга уринган.
«50 га яқин футбол мухлиси ёнимизга келиб, ‘даф бўлинг’ деди ва бизга ҳамла қилди, — дея сўзлаб берди Оливейра. — Бу жисмоний эмас, руҳий оғриқ берди».
Турнирда C гуруҳи доирасида ўйнаётган Германия термаси иккита учрашув ўтказди: 12 июнь куни Украина жамоаси билан (2:0) майдонга тушди ва 16 июнь куни польшаликларга қарши (0:0) ўйнади. Гуруҳда 4 очко билан етакчилик қилаётган Германия жамоаси якуний учрашувини 21 июнь куни Шимолий Ирландия термасига қарши ўтказади.
Изоҳ (0)