Футбол бўйича Ўзбекистон млилий терма жамоаси 24 август куни Яманга қарши халқаро ўртоқлик учрашуви ўтказади. Бу ҳақда ФИФА расмий сайтида маълумот берилган.
Учрашув айнан қаерда ўтказилишига аниқлик киритилмаган. Миллий терма жамоа 1 сентябрь куни Тошкентда Сурияга қарши ЖЧ—2018 саралаш учрашувини ўтказиши ҳисобга олинса, Яманга билан ўйин катта эҳтимол билан Ўзбекистонда ташкил этилади.
Аввалроқ Ўзбекистон миллий терма жамоаси 24 июль куни Ироқ терма жамоасига қарши ўртоқлик учрашуви ўтказиши ҳақида хабар берилган эди. Учрашув Тошкентда бўлиб ўтади.
Ўзбекистон миллий терма жамоаси ўзининг сўнгги учрашувини 7 июнь куни Канада терма жамоасига қарши ўтказган ва 1:2 ҳисобида имкониятни бой берган эди. Бунгача миллий терма жамоанинг Қирғизистон ва Экваториал Гвинеяга қарши ўйинлари бекор қилинган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)