Тошкентнинг ҳаракат чекланадиган кўчалари, Hyatt Regency меҳмонхонасининг илк фотосуратлари, Ўзбекистондаги салқин ҳаво ва куннинг бошқа муҳим янгиликлари

15 июннинг эътиборга молик янгиликлари — «Дарё»нинг кечки дайжестида.

1. Тошкентнинг бир нечта кўчаларида таъмирлаш ишлари муносабати билан транспорт воситаларининг ҳаракати вақтинча чекланди. 15 июнь, чоршанба куни Тошкент шаҳрининг бир нечта кўчаларида таъмирлаш ишлари олиб борилаётганлиги муносабати билан ҳаракат хавфсизлигини таъминлаш мақсадида транспорт воситаларининг ҳаракати вақтинча чекланган.

2. Тошкентда қуриб битирилаётган Hyatt Regency меҳмонхонасининг илк фотосуратлари тақдим этилди. Меҳмонхонанинг расмий очилиши 2016 йилнинг 1 июлига белгиланган.

3. Тошкентдаги ёмғирли салқин ҳаво 16 июнда ҳам сақланиб қолади. 16 июнь, пайшанба куни кундузи Тошкент шаҳрида ҳаво ҳарорати +28…+30 даража, Қорақалпоғистон Республикаси ва Хоразм вилоятида +33…+38 даража, қолган ҳудудларда +28…+33 даража илиқ бўлади.

4. Болаларни рамазон қўшиқларини айтишдан қайтариш тавсия этилди. «Islom.uz» сайтининг савол-жавоблар бўлимида фойдаланувчилардан бири анчадан буён мавжуд бўлган анъана — болаларнинг рамазон қўшиқларини айтиб, пул йиғиб юриши тўғри-нотўғрилигига қизиқди.

5. Калифорнияда дунёдаги энг йирик қуёш электр станцияси ишга туширилди. Салкам 13 квадрат километр майдонга эга объект уч электр станцияси ва деярли 350 минг кўзгу-гелиостатдан иборат бўлиб, қуввати салкам 392 мегаватт, қиймати эса 2,2 миллиард долларга тенг.