Орландодаги (Флорида, АҚШ) Walt Disney World истироҳат боғида аллигаторлардан бири икки яшар болани сув остига тортиб кетганидан сўнг тўрт тимсоҳ ўлдирилди. Бу ҳақда, CBS News’га асосланиб, «РБК» хабар бермоқда.
Флорида ёввойи табиат комиссияси вакили Ник Уайлининг сўзларига қараганда, тимсоҳлар бир тун давомида тутилган, лекин уларнинг бола ўғирланишига алоқадорлиги борасида далиллар йўқ. Буни аниқлаштириш учун тимсоҳларни ўлдириш талаб этиларди, деб қўшимча қилди Уайли.
Тимсоҳ 14 июнь, сешанба куни оила соҳилда дам олаётганида икки ёшли болага ҳужум қилди. Отаси боланинг бошини аллигаторнинг тишларидан тортиб олиш учун сувга тушди, аммо буни уддалай олмади. Полиция шерифи Жерри Демингснинг сўзларига кўра, қутқарув ишлари ҳозирча бирор натижага олиб келмади.
Аллигаторнинг узунлиги 1,2–2 метрни ташкил этгани маълум қилинмоқда.
Изоҳ (0)