АҚШ ҳарбий-денгиз кучларининг «Миссисипи» атом сув ости кемаси Жанубий Кореянинг Пусан портига кирди. Бу ҳақда Америка ҳарбий қўмондонлигининг Корея Республикасидаги вакиллари маълум қилди, деб ёзади «ТАСС».
«Бортида 141 нафар экипаж аъзоси бўлган кема сув ости флотининг сўнгги ютуқларини кўз-кўз қилган ҳолда кўплаб топшириқларни бажаради. Унинг портга кириши Корея Республикаси ва АҚШ ўртасидаги икки томонлама муносабатларни мустаҳкамлаш ва кенгайтириш учун муҳим», — дейилади хабарда.
Сув сиғими 7800 тонна бўлган «Миссисипи»нинг тезлиги 34 узелгача етади, у 12 та ракета қурилмаси билан жиҳозланган бўлиб, бортида торпедаларни ҳам, қанотли ракеталарни ҳам ташиши мумкин.
Изоҳ (0)