12 июнь, якшанба куни Япония жануби-ғарбида 4,3 магнитудали зилзила рўй берди. Бу ҳақда «ТАСС» маълум қилди.
Мамлакат миллий метеорологик бошқармаси маълумотларига кўра, ерости силкиниши маркази Кумамото префектурасида, ўчоғи 10 километр чуқурликда бўлган. Жабрланганлар ва вайронагарчиликлар ҳақида хабар берилмаган, цунами хавфи эълон қилинмаган.
JR Kyushu темирйўл компаниясининг билдиришича, ерости силкинишлари туфайли префектуранинг бир қатор ҳудудларида «Синкансэн» тезюрар поездлари ҳаракати вақтинча тўхтатилган.
Қўшни Кагосима префектурасида жойлашган «Сендай» атом электр станциясида кўзда тутилмаган ҳолатлар содир бўлмагани айтилмоқда.
Изоҳ (0)