Евро—2016 мусобақасининг «C» гуруҳидаги биринчи ўйинда Польша Шимолий Ирландия устидан 1:0 ҳисобида зафар қучди. Учрашувдаги ягона гол 51-дақиқада Аркадиуш Милик томонидан киритилди.
Беллашувда Польша терма жамоаси устунроқ ҳаракат қилди. «Аякс» клубининг 22 ёшли футболчиси томонидан киритилган голни инобатга олмаса, ўйинда бошқа гол киритилмади. Шу тариқа Польша терма жамоаси Европа Чемпионатлари финал босқичидаги дастлабки ғалабасини қўлга киритди.
«C» гуруҳининг иккинчи жуфтлигида Германия терма жамоаси Украинага қарши саф тортади. Беллашув 13 июнга ўтар кечаси 00:00 да старт олади.
Маълумот учун, Евро—2016 нинг ортда қолган олтита ўйинида ҳеч бир клубга 2 та гол фарқи билан зафар қучиш насиб қилмади.
[wpse_match id="351131" show_title=1]
Изоҳ (0)