Европа футбол ассоциациялари уюшмаси (УЕФА) Марселдаги тартибсизликларни кескин қоралади. Бу ҳақда ташкилот матбуот хизмати маълум қилди, дея хабар беради «ТАСС».
Англия терма жамоаси мухлислари ва маҳаллий аҳоли ўртасидаги тўқнашувлар 9 июнь, пайшанба куни кечки пайт бошланди.
«УЕФА Марселдаги ҳодисаларни кескин қоралайди. Бундай зўравонлик ҳаракатларида иштирок этадиган кишиларга футболда ўрин йўқ», — дейилади ташкилот баёнотида.
11 июнь, шанба куни шаҳар соҳилбўйида ва эски порт олдидаги майдонда кўпчилиги маст-аласт бўлган бир неча минг инглиз ишқибозлари йиғилди ва улардан бир гуруҳи полициячиларга шиша идишлар билан ташланди. Полициячилар бунга жавобан тутун чиқарадиган шашкалар ва кўздан ёш оқизувчи газ қўллади. Шунингдек, Россия ва Англия терма жамоалари фанатлари ўртасида тўқнашув юзага келди, кейинчалик улар маҳаллий аҳоли билан можарога киришди.
BMF TV маълумотларига кўра, Марселдаги тартибсизликлар чоғида беш киши яраланган, олти киши қамоққа олинган.
Изоҳ (0)