Ёз ҳақиқий футбол байрамига айланди — сизу бизни футбол бўйича 2016 йилги Европа чемпионати учрашувлари кутиб турибди. «Дарё» интернет-нашри Франция яшил майдонларида бўладиган футбол баҳсларини муносиб ёритиш учун астойдил тайёргарлик кўрди.
Евро—2016 махсус лойиҳаси
«Дарё» нашрида очилган махсус Евро—2016 саҳифасида мусобақага оид янгиликлар, учрашувлар тақвими, жамоалар рўйхати, гуруҳлар жадвали, тўпурарлар рўйхати, шунингдек, жамоалар таркиби, футболчиларнинг статистика маълумотлари билан танишиш мумкин.
Сўнгги вақтларда «Дарё» интернет-нашри футбол мухлислари учун қизиқарли бўлган учрашувлар ҳақида батафсил маълумот беришга, улар арафасида тест ва сўровномалар ўтказишга, ўйинлардан матнли онлайнлар уюштиришга, баҳсларнинг тезкор, суратлар ва видеоларга бой шарҳларини бериб боришга ҳаракат қилди.
Евро—2016 баҳслари давомида ҳам «Дарё»да мусобақага оид сўровномалар, тестлар, матнли онлайнлар, фотогалереялар, тезкор хабарлар ва бошқа янги форматдаги материаллар бериб борилиши давом этади.
«Евро—2016» қўшма акцияси
«Дарё» интернет-нашри Ucell савдо белгиси билан ҳамкорликда Telegram мессенжеридаги @daryobot ботида «Евро—2016» қўшма акциясини бошлади. Футбол бўйича 2016 йилги Европа чемпионати учрашувларини натижаларини тўғри топиб, ақлли гаджетларнинг эгасига айланиш имкониятини қўлдан бой берманг.Европа чемпионати финал учрашуви бўладиган кун — 10 июлга қадар ҳар ўйин куни натижалар борасида ўз тахминларини киритиб борган ва якунда энг кўп балл тўплаган иштирокчилар Ucell томонидан тақдим этилган қимматбаҳо смартфонлар:
- 1-ўрин учун — Huawei P7
- 2-ўрин учун — Android One General Mobile
- 3-ўрин учун — Huawei Y360 билан тақдирланади.
Евро—2016 баҳсларини «Дарё» билан бирга кузатинг! Янгиликлар дарёсидан четда қолманг!
Изоҳ (0)