Грознийдаги Киров номли шоҳ кўча афсонавий боксчи Муҳаммад Али шарафига ўзгартирилди. Бу ҳақда Чеченистон раҳбари вазифасини бажарувчи Рамзан Қодиров Instagram’даги саҳифасида маълум қилди, дея хабар беради «ТАСС».
«Буюк боксчи номини абадийлаштиришга қарор қилдик ва Грозний шоҳ кўчаларидан бирини Муҳаммад Али номи билан атадик. Грозний мэри Муслим Хучиевга бунинг учун энг кўркам кўчалардан бирини танлагани учун миннатдорлик билдирмоқчиман. Келгусида ушбу шоҳ кўчада Муҳаммад Али номидаги ажойиб бокс зали қурамиз», — дея изоҳ қолдирган Қодиров.
Рамзан Қодиров Муҳаммад Алини ўзининг кумири деб атаган ва айнан у боксни танлаши ҳамда минглаб болалар ушбу спорт тури билан шуғулланиши учун шароит яратишига илҳомлантирганини билдирган. Шунингдек, афсонавий боксчи Грознийга келиши ва у билан кўришишни орзу қилганини маълум қилган.
Изоҳ (0)