НАТОнинг шарқий чегаралардаги салоҳияти мустаҳкамланиши ва АҚШнинг Европадаги ракетага қарши мудофаа тизими қурилиши муносабати билан, Россия ўз мудофаа қобилиятини мустаҳкамлашга мажбур. Бу ҳақда Россия ташқи ишлар вазири ўринбосари Алексей Мешков айтиб ўтди, деб ёзади «Интерфакс».
«Альянсда охир-оқибат соғлом фикр устун келиб, ўйламасдан кескинликни ошириш ҳамда бошқалар хавфсизлиги эвазига ўз хавфсизлигини таъминлаш схемаларини қуришдан воз кечиш учун сиёсий ирода етишига умид қилишни истардик», — деди Мешков.
Ўз ҳудудига АҚШнинг «Ижис» ракетага қарши мудофаа тизимлари базасини жойлаштирган Руминия ҳамда Польша Россия ракеталари учун нишонга айланиш-айланмаслиги ҳақидаги саволга жавоб бераркан, Мешков: «Ракетага қарши мудофаанинг янги элементлари ишга туширилиши бизни миллий хавфсизлигимиз учун юзага келадиган хавфларни нейтраллаштириш учун жавоб чоралари кўриш зарурияти ҳақида бош қотиришга мажбур қилади», — деди.
Изоҳ (0)