Мексикадаги ҳукмрон Институциявий-инқилобий партия (ИИП) 86 йил мобайнида илк бор тўрт штат — Веракрус, Тамаулипас, Кинтана-Роо ва Дурангодаги губернаторлик сайловларида мағлубиятга учради. 7 июнь, сешанба куни эълон қилинган салкам 100% бюллетенларни қайта ишлаш натижалари шундан далолат бермоқда, дея хабар қилади «ТАСС».
5 июнда бўлиб ўтган овоз бериш якунларига кўра, бир қатор штатларда Демократик инқилоб партияси (ДИП) билан коалицияда сайловларда иштирок этган Миллий ҳаракат партияси (МҲП) 12 минтақадан еттитасида ғалаба қозонди.
2018 йилда президентлик сайловлари бўлиб ўтишини инобатга олганда, ИИП учун айниқса сайловчилар сони бўйича (5,6 миллион киши) мамлакатда учинчи ўринда турадиган Веракрус штатидаги мағлубият аламли бўлди. Янги сайланган губернатор Мигель Анхель Юнес Линарес минтақанинг амалдаги раҳбари Хавьер Дуартени давлат мулкини ўмаришда айблаб, қамоққа жўнатишга ваъда беришга ҳам улгурди.
Ҳукмрон партия беш—олти минтақа, жумладан, Веракрус ва Тамаулипасдаги овоз бериш натижалари қайта кўриб чиқилишини талаб қилиш ниятида.
Изоҳ (0)