Австралия ғарбида дайвинг билан шуғулланувчи аёл наҳанг ҳужуми туфайли ҳалок бўлди. Бу ҳақда «ТАСС» хабар бермоқда.
ABC маълумотларига кўра, аёл Миндари шаҳарчаси яқинида дайвинг билан машғул бўлганида унга йиртқич ташланган бўлиши мумкин. Унинг танаси пляжга чиқиб қолганида одамлар пайқаб қолган.
«Аёл жасадида акула қолдирган изларга ўхшаш чуқур яралар аниқланди, бироқ биз унинг ҳалокати сабабига аниқлик киритишда давом этмоқдамиз», — маълум қилди Ғарбий Австралия штати полицияси вакили.
Бу мамлакат ғарбида ҳафта мобайнида наҳанг ҳужуми туфайли одамлар ҳалок бўлиши билан боғлиқ иккинчи ҳодиса. 31 май, сешанба куни Миндаридан 100 километрча узоқликдаги Фалкон шаҳрида йиртқич ҳужумига учраган 29 ёшли сёрфингчи йигит орадан тўрт кун ўтиб, касалхонада оламдан ўтди.
Изоҳ (0)