АҚШ 40-президенти Рональд Рейган ва унинг турмуш ўртоғи Нэнсига тегишли шахсий буюмлар, Лос-Анжелесдаги эр-хотин яшаган уй жиҳозлари аукционга қўйилди. Савдолар Нью-Йоркда сентябрь ойида, бир ҳафта давомида ўтказилади, тушум 2 миллион доллардан ошиши кутилмоқда. Бу ҳақда «ТАСС» хабар бермоқда.
Christie’s маълумотларига кўра, савдоларга 700 га яқин лот, «жумладан, президент ва Рейган хонимнинг Лос-Анжелесдаги уйида бўлган китоблар, шахсий коллекциялар, заргарлик буюмлари, картиналар, ҳайкаллар, мебель, декоратив санъат намуналари» қўйилган.
Савдолардан олинган барча тушум, жуфтлик қолдирган васиятга биноан, Рональд Рейган фонди ва унинг қошидаги институтга берилади.
1981—1989 йилларда АҚШ президенти бўлган Рональд Рейган 2004 йилда, унинг рафиқаси Нэнси эса жорий йилнинг 6 мартида вафот этди.
Изоҳ (0)