AQSh 40-prezidenti Ronald Reygan va uning turmush o‘rtog‘i Nensiga tegishli shaxsiy buyumlar, Los-Anjelesdagi er-xotin yashagan uy jihozlari auksionga qo‘yildi. Savdolar Nyu-Yorkda sentabr oyida, bir hafta davomida o‘tkaziladi, tushum 2 million dollardan oshishi kutilmoqda. Bu haqda “TASS” xabar bermoqda.
Christie’s ma’lumotlariga ko‘ra, savdolarga 700 ga yaqin lot, “jumladan, prezident va Reygan xonimning Los-Anjelesdagi uyida bo‘lgan kitoblar, shaxsiy kolleksiyalar, zargarlik buyumlari, kartinalar, haykallar, mebel, dekorativ san’at namunalari” qo‘yilgan.
Savdolardan olingan barcha tushum, juftlik qoldirgan vasiyatga binoan, Ronald Reygan fondi va uning qoshidagi institutga beriladi.
1981—1989-yillarda AQSh prezidenti bo‘lgan Ronald Reygan 2004-yilda, uning rafiqasi Nensi esa joriy yilning 6-martida vafot etdi.
Izoh (0)