Ўзбекистон миллий терма жамоасининг ЖЧ—2018 3-саралаш босқичидаги биринчи рақиби — Сурия терма жамоаси 31 май куни Вьетнамга қарши ўртоқлик ўйинида имкониятни бой берди. Ханой шаҳридаги «Май Дин» стадионида кечган беллашув мезбонларнинг 2:0 ҳисобидаги ғалабаси билан якунига етди.
Сурия терма жамоаси ЖЧ—2018 нинг ҳал қилувчи босқичига етиб келган бўлса, Вьетнам термаси Ироқ ва Таиланд жой олган гуруҳни муваффақиятсиз якунлаб, Россияда бўлиб ўтадиган жаҳон чемпионатидан умидини узганди.
Маълумот учун, Суриянинг Вьетнам терма жамоасига қарши ўйинига Ўзбекистон миллий терма жамоаси мураббийлар штабида фаолият олиб бораётган Равшан Ҳайдаров ташриф буюрди.
Маълумот учун, Ўзбекистон миллий терма жамоаси Вьетнам билан ҳозирга қадар 2 та расмий беллашувда иштирок этган бўлиб, Осиё Кубоги—2015 саралашининг Тошкентдаги ўйинида 3:1, Ханойдагисида эса 3:0 ҳисобида зафар қучган. Сурия терма жамоаси билан эса сўнгги бор 20 йил муқаддам тўп сурган ва Осиё Кубогининг гуруҳ босқичида 1:2 ҳисобида имкониятни бой берган.ЖЧ—2018 3-саралаш босқичидаги иштирокини Ўзбекистон миллий терма жамоаси 1 сентябрь куни ўз майдонида Сурияга қарши ўйин билан бошлайди. Жавоб ўйини эса 2017 йилнинг 23 март куни Сурияда бўлиб ўтади.
Изоҳ (0)