Францияда футбол бўйича Европа чемпионати ўйинлари ўтказилиши давомида Эйфель минораси энг қизиқарли ўйинлар қатнашчилари бўлган жамоалар рангида ёритилади. Бу ҳақда Париж мэрияси ва мазкур акция ҳомийси, Orange уяли алоқа оператори маълум қилди, дея хабар берди «ТАСС».
Минора чемпионатнинг биринчи ўйинидан бошлаб ҳар куни кечки пайт то финал ўйинигача ёритиб борилади. Уни 15 дақиқа давомида кузатиш мумкин. Ранглари намойиш этишга лойиқ деб топилган жамоа Twitter, Instagram ҳамда Facebook ижтимоий тармоқларида очилган саҳифаларга унинг номзоди қўллаб-қувватланиб юборилган хабарлар сонига қараб аниқланади.
Шунингдек, миноранинг биринчи ва иккинчи қаватлари ўртасида мазкур хабарлар ва бўлиб ўтаётган ўйинларнинг қизиқарли лаҳзалари намойиш этиладиган катта шар осилади. Ҳар бир ўйин якунлангандан сўнг Orange вакиллари стадионда ижтимоий тармоқларга берилган хабари энг қизиқарли деб топилган мухлислардан бирини мукофотлайди, унинг сурати эса шу куни Эйфель минорасида намойиш этилади.
Изоҳ (0)