Мустақил футбол ассоциациялари конфедерацияси (ConIFA) ҳамкорлигидаги футбол бўйича жаҳон чемпионати Абхазияда бошланди, деб ёзади «ТАСС». Очилиш маросими Сухумидаги беш минг кишилик «Динамо» шаҳар стадионида бўлиб ўтди.
Ўйинлар Сухуми ва Гаградаги иккита стадионда ўтказилади. Чемпионатнинг финали ва ёпилиш маросими 5 июнь куни бўлиб ўтади.
Мустақил футбол ассоциациялари конфедерацияси 2013 йилда ташкил этилган бўлиб, расман ФИФА таркибига киритилмаган 35 та мамлакат (асосан тан олинмаган давлатлар, давлат ичидаги мухториятлар)нинг футбол бўйича терма жамоаларини бирлаштиради.
Бу йилги чемпионатда 12 та — Абхазия, Чагос ороллари, Ғарбий Арманистон, Курдистон, Секей ўлкаси, Япониядаги корейслар иттифоқи, Шимолий Кипр, Падания, Реция, Панжоб, Лапландия ва Сомалиленд жамоалари қатнашади.
Изоҳ (0)