O‘zbekiston termasining raqibi bo‘lgan Suriya JCh—2018 dan chetda qolgan Vyetnamdan yengildi

O‘zbekiston milliy terma jamoasining JCh—2018 3-saralash bosqichidagi birinchi raqibi — Suriya terma jamoasi 31-may kuni Vyetnamga qarshi o‘rtoqlik o‘yinida imkoniyatni boy berdi. Xanoy shahridagi “May Din” stadionida kechgan bellashuv mezbonlarning 2:0 hisobidagi g‘alabasi bilan yakuniga yetdi.

Suriya terma jamoasi JCh—2018 ning hal qiluvchi bosqichiga yetib kelgan bo‘lsa, Vyetnam termasi Iroq va Tailand joy olgan guruhni muvaffaqiyatsiz yakunlab, Rossiyada bo‘lib o‘tadigan jahon chempionatidan umidini uzgandi.

Ma'lumot uchun, Suriyaning Vyetnam terma jamoasiga qarshi o‘yiniga O‘zbekiston milliy terma jamoasi murabbiylar shtabida faoliyat olib borayotgan Ravshan Haydarov tashrif buyurdi.

• JCh—2018 3-saralash bosqichidagi murabbiylar O‘zbekiston termasini jiddiy raqib deb hisoblamaydi

Ma’lumot uchun, O‘zbekiston milliy terma jamoasi Vyetnam bilan hozirga qadar 2 ta rasmiy bellashuvda ishtirok etgan bo‘lib, Osiyo Kubogi—2015 saralashining Toshkentdagi o‘yinida 3:1, Xanoydagisida esa 3:0 hisobida zafar quchgan. Suriya terma jamoasi bilan esa so‘nggi bor 20 yil muqaddam to‘p surgan va Osiyo Kubogining guruh bosqichida 1:2 hisobida imkoniyatni boy bergan.

• Suriya bilan boshlaymiz, Janubiy Koreya bilan tugatamiz. O‘zbekistonning JCh—2018 saralashidagi o‘yinlari taqvimi — bitta rasmda

JCh—2018 3-saralash bosqichidagi ishtirokini O‘zbekiston milliy terma jamoasi 1-sentabr kuni o‘z maydonida Suriyaga qarshi o‘yin bilan boshlaydi. Javob o‘yini esa 2017-yilning 23-mart kuni Suriyada bo‘lib o‘tadi.

• O‘zbekiston va Ekvatorial Gvineya terma jamoalari o‘rtasidagi o‘rtoqlik o‘yini bekor qilindi