«Ўзбекистон почтаси» АЖ томонидан «Буюк Ипак йўли» почта маркалари туркуми тайёрланиб, Ўзбекистон Республикаси ахборот технологиялари ва коммуникацияларини ривожлантириш вазирлиги томонидан муомалага киритилди. Бу ҳақда акциядорлик жамияти пресс-релизида маълум қилинган.
Туркум 2 та почта маркаси ва 1 та почта блокидан иборат. Почта маркаларида XI—XIX асрларда Буюк Ипак йўли ўтган шаҳарлар меъморий ёдгорликлари — Беруний туманидаги (Қорақалпоғистон) Аёз қалъа ва ва Қарши шаҳридаги «Кўк гумбаз» жомеъ масжиди, почта блокида эса Буюк Ипак йўли харитаси ва Бухоро арки тасвирланган.
Почта маркалари 8 минг нусхадан, почта блоки эса 5 минг нусхада чоп этилган.
Изоҳ (0)