Али Ларижоний Эрон мажлиси (парламенти) спикери этиб сайланди: унинг учун 173 депутат овоз берди. Яна бир номзод — «Умид» фракцияси етакчиси Муҳаммад Ризо Ориф 103 овоз тўплади, деб хабар беради «ТАСС».
Ларижоний Эрон қонун чиқарувчи органи раиси лавозимини учинчи бор эгаллади (илк марта 2008 йилда сайланган). У 1990 йил бошларидан бери мамлакатда нуфузли лавозимларда ишлаб келади. Жумладан, маданият вазири, Эрон давлат телерадиокорпорацияси раиси, Миллий хавфсизлик олий кенгаши котиби, мамлакат диний етакчиси — оятуллоҳ Ҳумайнийнинг маслаҳатчиси бўлган. Ўзи ҳам обрўли оила вакили бўлиб, отаси оятуллоҳ Ҳошимий Амолий йирик шиа уламоси саналади.
Изоҳ (0)