Уч ёшли болакай 28 май, шанба куни АҚШнинг Цинциннати шаҳри (Огайо штати) ҳайвонот боғидаги горилла майдончасига кириб қолди. Харамбе лақабли 17 ёшли маймун уни қўлига олиб, ўн дақиқача кўтариб юрди, деб хабар беради «ТАСС».
Болани қутқариш учун боғ ходимлари Харамбени отиб ўлдиришига тўғри келди, жабрдийда эса арзимас жароҳатлар билан касалхонага ётқизилди. Муассаса директори Тейн Мэйнарднинг айтишича, 180 килограммдан ортиқ бўлган горилла тўсиқ остидан эмаклаб ўтиб, майдонча ҳудудидаги сув тўлдирилган ҳандаққа думалаб тушган бола ҳаётига хавф туғдириши мумкин эди.
«Ходимларим мураккаб, аммо тўғри қарор қабул қилди. Гарчи олдин бунга ҳеч қачон дуч келмаган бўлсак-да, бизда шундай вазиятларда қандай йўл тутиш зарурлиги белгилаб берилган кўрсатмалар бор», — деб таъкидлади Мэйнард.
Изоҳ (0)