Украинанинг Киев вилояти, Броварский тумани, Литочки қишлоғидаги хусусий икки қаватли уйда содир бўлган ёнғин оқибатида беш нафар қария ҳалок бўлди. Бу ҳақда «Корреспондент.net» хабар бермоқда.
Ёнғин ҳақида 29 май, якшанба куни маҳаллий вақт билан 03:48 да хабар берилди. Қишлоқдаги мазкур уйда кекса ёшдаги кишилар вақтинча истиқомат қилаётганди.
«Фавқулодда вазиятлар давлат хизмати бўлинмалари томонидан 05:25 да ёнғин бартараф этилди, 18 киши қутқарилди. 06:30 да ҳодиса жойида беш кишининг жасади топилди. Яна 10 кишининг тақдири номаълум бўлиб турибди, қидирув ишлари давом этмоқда», — дейилади хизматнинг матбуот маркази хабарида.
Изоҳ (0)