Кампалада 2010 йилда содир этилган терактга алоқадор беш киши бир умрлик қамоққа маҳкум этилди, дея хабар бермоқда «ТАСС» Agence France-Presse’га таяниб.
Унинг маълумотларига кўра, яна икки киши 50 йилга қамалган. Уларнинг барчаси 26 май куни терроризм, қотиллик ва суиқасд айбловлари бўйича айбдор деб топилди. Жазога ҳукм этилганларнинг тўрт нафари кениялик, икки нафари угандалик ва яна бир нафари танзанияликдир.
Бундан ташқари, шунга ўхшаш жиноятларни амалга оширишда айбланган беш киши оқланди, аммо ҳамон ҳибсда сақланмоқда. Ўн учинчи айбланувчи эса 27 май куни жамоатчилик ишлари ва кичик миқдордаги жаримага тортилди.
2010 йил 11 июлда Уганда пойтахтида қўш теракт содир этилди. Футбол бўйича жаҳон чемпионатининг финал ўйини трансляцияси чоғида Кампаладаги иккита барда портлаш юз берди, натижада 76 киши ҳалок бўлди, яна 50 га яқини яраланди. Теракт учун жавобгарликни «Аш-Шабоб» гуруҳи ўз бўйнига олди.
Изоҳ (0)