Путин «Ёш профессионаллар» чемпионати финалига ташриф буюриб, кўрганларини «фантастика» деб баҳолади

Россия президенти Владимир Путин 27 май, жума куни «Крокус-Экспо» кўргазмалар мажмуида бўлиб ўтаётган «Ёш профессионаллар» (Worldskills Russia) ишчи касблар тўртинчи миллий чемпионати финалига ташриф буюрди ва финал иштирокчилари билан мулоқотда бўлди. Бу ҳақда «РИА Новости» хабар бермоқда.

Давлат раҳбари саноат мутахассисликлари вакиллари тўпланган залда «Токарлик ва фрезерлик ишлари», «Мехатроника», «Мобил робототехника» ва «Пайвандлаш технологиялари» мусобақа майдонларидаги кўргазмалар билан танишди. Мусобақалар икки ёш тоифасида — 14 ёшдан бошлаб ва 17 дан 22 ёшгача бўлган тоифаларда ўтказилмоқда. Шунга қарамай, ташкилотчиларга кўра, уларда бундан кичик болалар ҳам иштирок этиши мумкин. Жумладан, Путин «Мобил робототехника» кўргазмасида Краснодар ўлкасидан келган 11 ёшли икки ўқувчи билан суҳбат қурди. 

У кейинги йилларда ёшлар ўртасида ишчи мутахассисликларга қизиқиш ортиб бораётганини қайд этди. «Менинг ўзимга ҳам қизиқ. Кўплаб буюмларни биринчи марта кўряпман. Фантастиканинг ўзи!» дея ҳайратини яширмаган Россия президенти.