Британияда махсус хизматлар ишидаги хатолик туфайли террорчилик фаолиятига алоқадорликда гумонланаётган 800 дан ортиқ кишининг бармоқ излари ва генетик паспортлари йўқ қилинди, дея хабар бермоқда The Telegraph. Нашр маълумотларига кўра, ҳодиса техник носозлик туфайли содир бўлган.
Қуйи палата аъзоси Кейт Ваз юз берган ҳолат «махсус хизматларга нисбатан жамоатчилик ишончини оширмаслиги»ни айтди. «Ҳодиса сабабларини тушуниш учун зудлик билан текширув ўтказиш керак», — деди парламентарий. У ички ишлар вазирлигини келажакда бундай воқеалар олдини олишга чақирди, чунки улар «миллий хавфсизлигимизга таҳдид солади».
Нашр таъкидлашича, энг муҳим маълумотлар жуда мос бўлмаган бир пайтда йўқотилган, чунки ҳозир «Британия жиддий террорчилик хавфи қаршисида турибди».
Изоҳ (0)