Британия матбуоти АҚШда яшовчи Фридрих Буюк лақабли фриз айғирини дунёдаги энг чиройли от деб топди. Тим қора рангли мушакдор тулпор Озарк кўли яқинидаги Pinnacle Friesians от заводида истиқомат қилади, деб хабар бермоқда «Моя планета» Daily Mail нашрига асосланиб.
Фридрих Буюкнинг шуҳрати кун сайин ортмоқда — прусс императорининг адаши бўлган айғирнинг Facebook’даги саҳифасида 19 мингдан ортиқ обуначи бор, унинг иштирокидаги видеони эса YouTube орқали миллионлаб одамлар кўрмоқда.
2015 йилда Фридрих фарзанд кўрди; митти қулун 9 ой ичида отасидан қолишмайдиган хушбичим тойчоққа айланди. Уни бир неча минг долларга сотиб олиш мумкин.
Отларнинг фриз зоти XVI–ХVII асрларда Нидерландияда етиштирилган. Аравага қўшилишга мўлжалланган зот ўз гўзаллиги боис «қора марварид» деб юритила бошланган. Бу зотдаги айғирлар фақат тим қора рангда бўлади, байталларда эса оқ қашқа кузатилиши мумкин.
Изоҳ (0)