Тошкентдаги Турин политехника университетида анъанага айланган навбатдаги карьера куни ўтказилди, дея хабар бермоқда «Ўзавтосаноат» АК ахборот хизмати.
Бундай тадбир университет битирувчиларини йирик иш берувчилар билан таништириш мақсадида ҳар йили ўтказилади. Унда корхона ва ташкилотлар вакиллари университет битирувчилари билан дастлабки суҳбатни ўтказади ва уларни ишга таклиф қилади.
Бу йилги тадбирда «Ўзавтосаноат» АК ва General Motors Powertrain-Uzbekistan, UzEraeAlternator, UzHanvoo, UzChasys қўшма корхоналари, ҳамда UzAuto Trailer, Orient Concept масъулияти чекланган жамиятлари, «Ўзэнергосозлаш», «Тошкент иссиқлик электр станцияси» унитар корхоналари каби йирик маҳаллий ташкилот ва бирлашмалар вакиллари иштирок этди.
Тадбир давомида кўплаб битирувчилар ўзлари хоҳлаган ташкилот ва корхоналарда иш фаолиятини бошлаши учун дастлабки суҳбатлардан муваффақиятли ўтди.
Изоҳ (0)