АҚШнинг General Motors концерни ва Шанхай автомобиль-саноат корпорацияси (SAIC) ҳамкорлигида ташкил этилган қўшма корхона Хитойда 2,16 миллион автомобилни картер клапанлари тизимидаги нуқсон боис таъмирлаш учун чақириб олмоқда. Бу ҳақда, ХХР сифат назорати, текширув ва карантин бўйича давлат бошқармаси ахборотига таяниб, «ТАСС» ёзмоқда.
Айтилишича, аниқланган камчилик двигателда емирилиш келтириб чиқариб, уни тўхтатиб қўйиши мумкин. Таъмирга 2009–2015 йилларда ишлаб чиқарилган Buick Excelle, Chevy Cruze ва Chevy Epica русумларидаги автомобиллар қабул қилинади.
Компания қабул қилинган машиналарда ўз ҳисобидан дастурий таъминот модернизациясини ўтказиб, тегишли нуқсонларни бартараф этади.
Изоҳ (0)