Аёллар ўртасида Ўзбекистоннинг биринчи ракеткаси Нигина Абдураимова Япониянинг Каруизава шаҳрида старт олган, мукофот жамғармаси 25 минг долларга тенг Karuizawa Yonex Open теннис турнирини ғалаба билан бошлади.
Халқаро теннис федерацияси расмий сайтининг маълум қилишича, мазкур турнирнинг учинчи ракеткаси сифатида таснифланган 21 ёшли ўзбекистонлик теннисчи илк даврада турнир мезбони Ҳаине Огатага қарши кортга чиқди. Бир соату 8 дақиқа давом этган беллашувда Абдураимова 6:1, 6:3 ҳисобида зафар қучди.
Иккинчи даврада Ўзбекистон вакиласи бошқа бир япониялик теннисчи – Юрина Кошинога қарши баҳс олиб боради.
Эслатиб ўтамиз, Нигина Абдураимова Япониянинг Куруме шаҳрида 16–22 май кунлари бўлиб ўтган теннис турнирининг вице-чемпионига айланганди.
Изоҳ (0)