Вьетнамнинг VietJet авиакомпанияси Boeing компаниясидан 11,3 миллиард доллар эвазига 100 та Boeing 737 Max 200 йўловчи самолётини харид қилиш бўйича келишувни имзолади. Бу ҳақда «Коммерсантъ» хабар бермоқда.
Ҳужжат, Оқ уй вакиллари таъбирига кўра, «ўтмишга эмас, келажакка кўз тиккан» мамлакатга илк бор ташриф буюрган АҚШ президенти Барак Обама иштирокида имзоланди.
Экспертлар Вьетнамга таъсирини ўтказиш учун қурол-яроғнинг асосий етказиб берувчиси Россия, бош иқтисодий шерик Хитой ва Пекин билан ҳудудлар учун тортишувда Ханойни қўллаб-қувватлаётган АҚШ ўртасида фаол рақобат кетаётганини билдирмоқда.
Олдинроқ АҚШ Вьетнамга қурол-аслаҳалар етказишга қўйилган тақиқни олиб ташлагани хабар берилганди.
Изоҳ (0)