АҚШ президентлигига Демократлар партиясидан номзод, Вермонт штатидан сенатор Берни Сандерс Республикачилар партиясидан номзод Дональд Трампнинг молиявий ҳолати юзасидан шубҳасини билдирди. Бу ҳақда «Газета.ru» хабар бермоқда.
«Трамп миллардер эканлиги ҳақида айтади. Ким билсин дейсиз, Трамп кўпам ҳақиқатни гапиравермайди», — дея таъкидлаган Сандерс.
Таъкидлаш жоизки, АҚШдаги икки партия чақириқларига қарамай, Дональд Трамп солиқ декларациясини тўлиқ эълон қилишдан бош тортиб келмоқда.
Эслатиб ўтамиз, олдинроқ Трампнинг бойлиги 10 миллиард доллардан ортиққа баҳолангани хабар берилганди.
Изоҳ (0)